Castro e Sauna de Castañoso

As primeiras noticias recentes que se teñen de Castañoso datan de 1986, cando dous párrocos (Enrique

López e José Argul) falan da presenza, no medio dun espeso bosque e cuberto de maleza dunha “sauna

castrexa no castro de Castañoso”.

En 2011 o profesor da USC Manuel Gago realiza un estudo na zona e dá conta desta sauna, da que a

bóveda corría serio perigo de derrubamento.

Así, en 2015 empezan as labores de escavación do castro nunha primeira fase, que terá continuidade en

2017.

Despois destes dous traballos arqueolóxicos, o que podemos ver hoxe na zona escavada de Castañoso son

dúas construcións de dúas plantas, con 30 metros cadrados por piso nas que poderían vivir mesmo dúas

familias por vivenda.

Na primeira escavación (2015), os traballos realizados deixaron ao descuberto no centro do castro unha

estrutura de planta cadrada que se asociou cunha sauna na que, debaixo da súa bóveda aínda hoxe

conservada en parte, un pequeno grupo de castrexos non só se reunirían, senón que tamén levarían a cabo

rituais de purificación e renacemento ao redor de vapores xerados a partir da auga e un foco de calor. O

acceso até este habitáculo era tan estreito que habería que arrastrarse por unha pedra formosa.

É na segunda escavación (2017) na que sae á luz o carácter monumental deste complexo, pois se descobre

que esta sauna non ten unicamente unha zona, senón varias con augas que estarían a diferentes

temperaturas: un total de 120 m2. destinados aos rituais máis íntimos. Ademais, quedaron tamén ao

descuberto unha zona pavimentada de acceso á sauna, así como unha escaleira e un sistema de condución

de auga escavada na rocha.